Ош пресс-клубу

Жаңылыктар

Басма сөз эркиндигинин эл аралык күнү белгиленди

Басма сөз эркиндигинин эл аралык күнү белгиленди

Копия IMG_5207

5-май күнү Ош шаарындагы  Журналисттер аллеясында  Басма сөз эркиндигинин  эл аралык күнү белгиленди.  Оштогу   журналисттер  чогулушуп, аллеяда  ишембилик өткөрүшүп,  Ош шаардык  жашылдандыруу  жана  көрктөндүрүү  кызматынын  жумушчулары менен биргеликте  аллеянын  эки тарабындагы чөптөр чабылып, жыйналып, аллея шыпырылып, баштагы  беш отургучка дагы эки отургуч  кошулуп,  жети отургуч  болуп калды. Белгилеп кетүүчү жагдай-  Журналисттер аллеясы 2012-жылы  5-майда  «Журналисттер»  коомдук бирикмесинин   демилгеси,  Ош шаардык мэриясынын  колдоосу менен  ачылып,  120  арча  тигилип,  отургучтар  коюлган. Ошондон бери Оштук журналисттер  Эл аралык Басма сөз күнүндө  аллеяда митинг өткөрүшүп,  отургучтарды  сырдашып,  ишембилик өткөрүшөт. Аллеяда журналисттер  басма сөз эркиндиги, журналисттердин тилектештиги,  биримдиги  жөнүндө сүйлөштү. Ардагер журналист Абдылда Капаров  басма сөз эркиндиги жөнүндө сүйлөп  маалымат каражаттарынын  баркын көтөрүү, журналисттердин биримдиги жөнүндө оюн айтты.

Лекция: «Соттун  чечими чыкмайынча  кылмышкер деп атоого болбойт…»

«Журналисттер»  коомдук бирикмесинин Оштогу пресс-клубунда  31-март күнү «Сот процесси»  (Жарандык кодекс, кылмыш кодекси) деген темада лекция болуп өттү. Лекцияга Ош шаардык сотунун судьясы Баимбет Осмонов  чакырылды. Баимбет Осмонов «Жарандык жана кылмыш кодекси» тууралуу  кеңири айтып берди. Азыркы мезгилде сотко мүлкүн, жер тилкелерин, машинасы сыяктуу  мүлктөрүнө  байланыштуу  иштер менен көп кайрылышат. Мындай териштирүүдөгү иштерди соттун чечими чыкмайынча андай, же мындай деп  маалымат берүүгө  болбойт. Соттун чечими  чыкмайынча  кылмышка шектүү адамды да кылмышкер деп атоого болбойт. Ушул, жана башка маселелер боюнча журналисттер абдан көп суроолорго жооп алалышты. Б. Осмонов бул  же тигил маселелер боюнча журналисттер кайрылса юридикалык жардам берүүгө даяр  экендигин билдирди.

Балдарыбыз билим алууга кызыгышпайт- десек жаңылабыз ,-деди К. Кимсанов

Балдарыбыз билим алууга кызыгышпайт- десек жаңылабыз ,-деди К. Кимсанов

11126934_1621236498096439_8717937105689728649_n

27-март күнү «Журналисттер» коомдук бирикмесинин Оштогу  пресс-клубунда  «Балдарыбыз эмне үчүн билим алууга кызыгышпайт?» деген темада лекция болуп өттү. Лекцияга Ош шаардык билим берүү башкармасынын начальниги Куштарбек Кимсанов  чакырылды. Кимсанов Ош шаарында бардыгы 63 мектеп бар экенин,  ал мектептерде 56 миң 384 окуучу билим алып жатканын, ал эми Ош шаардык билим берүү башкармалыгына караштуу 54 мектепте 53 миң 309 бала окуй турганына токтолду. Ал ошондой эле Ош шаарында билим берүү жакшы дэңгээлде уюшулганын белгилеп, шаардын мектеп окуучулары Эл аралык олимпиадаларда, республикалык олимпиадаларда жеңүүчү болуп кайтканын, олимпиадалардын жеңүүчүлөрү жылда кызыктыруучу сыйлыктар менен  сыйлана турганына дагы токтолду.

Журналисттер мектептерде мугалимдер жетиштүүбү, китептер жетеби, туугандарына калтырылган мигранттардын балдарынын так эсеби барбы,  компьютер оюндары балдардын терең билим алуусуна тоскоол болуудабы,- деген сыяктуу өздөрүн кызыктырган суроолорго жооп алалышты. «Мектеп окуучуларынын китеп окууга кызыкпагандыгы  эмне себептен?»  деген суроо  кеңири талкууга алынды.

 

Кыялбектин чыгармачылыгына 45 жыл

Кыялбектин чыгармачылыгына 45 жыл

IMG_5062

Бүгүн  Бишкекте  филармонияда  Кыялбек Урманбетовдун чыгармачылыгынын 45 жылдыгына арналган концертке күбө болуп кайттык. Анда жалаң гана Кыялбектин сөзүнө жазылган обондуу ырлар аткарылды. Концерт абдан жакшы дэнгээлде  өттү. Акырында Кыялбек менен учурашканы келгендерден бизге кезек тийбей жатып курсташыбыз менен учурашып, сүрөткө түштүк.

«Социалдык маселелер: карыларыбыз камкордукка алынганбы? Пенсия жашы дагы узартылганы туурабы?»

«Социалдык маселелер: карыларыбыз  камкордукка алынганбы?  Пенсия жашы дагы узартылганы туурабы?»

IMG_5052

24-март күнү «Журналисттер»  коомдук бирикмесинин  Ош шаарындагы  «Ош пресс-клубунда»  «Социалдык маселелер: карыларыбыз камкордукка алынганбы? Пенсия  жашынын  узартылганы туурабы?»  деген темада  лекция болуп өттү.  Лекцияга  Ош шаардык социалдык фондунун  кызматкери Бакыт Ахунбаев,  Ош шаарынын тургуну Гүлкан Курбанбаева журналисттер  катышышты.  Лекцияда Бакыт Ахунбаев  пенсия  боюнча мыйзамдар, аларга толуктоолор,  иштеген  жылдарга жараша чыгуучу  пенсия,  жашы боюнча пенсияга чыгуу  боюнча  толук айтып берди.  Журналисттер  КР ЖКинде  пенсияга чыгуунун  жашын  дагы жогорулатуу  боюнча  талкуу болгонун,  бирок айрым адамдар  пенсияга  деле  жетпей  каза  болуп калышканын, айрымдары  пенсияда 1-2 жыл  гана  жүрүшкөнүн  айтышып,  тетирисинче  пенсияга эртерээк чыгаруу маселесин көтөрүп чыгуу зарылдыгын   айтышты. Журналисттер ошондой эле өмүр бою эч жерде иштебегендер,  чет жерде иштеп жүргөн  мигранттар,  базарда соода кылгандар  кандайча  пенсияга чыкса болот деген суроолорго да жооп алышты. Ал эми Ош шаарынын тургуну  Гүлкан Курбанбаева  өмүр бою  иштеп жүрүп, анан  картайганда  3000 сомго пенсияга чыксаң  абдан  өкүнүчтүү  экен. Азыр  3000 сомго эмне келет?   Өкмөт  пенсия маселесин  карап чыкпаса болбойт, бул  маселени көтөрүп чыгыш керек деген  пикирин айтты.

 

«Жаштарды лидерликке  кантип тарбияласа болот?»

«Жаштарды лидерликке  кантип тарбияласа болот?»

IMG_5037

«Журналисттер» коомдук бирикмесинин  Оштогу  бөлүмүнүн «Ош пресс-клубунда»  «Жаштарды лидерликке кантип тарбияласа болот?»  деген темада  лекция болуп өттү. Лекцияда Ош шаардык мэриясынын алдындагы жаштар комитетинин  кызматкерлери  Шабдан Бегматов жана Мырзакмат Маматисаков  жаштарды  лидерликке  тарбиялоо  максатында жүргүзүлүп  жаткан иштер  боюнча айтып беришти. Лидер  жаштар  көбүнчө  табиятынан  шыктуу  болушат. Лидерликке баланы   жаш кезинен тарбиялаш керек.   Алар көбүнчө окуунун  мыктылары,  коомдук иштердин  активдүү  катышуучулары, табиятынан  чечендик  шыктары бар,  кругозору кеңири, мыкты  демилгелерди көтөрө  алган  алдыңкы катардагы  жаштар болушат. Биз  2014-жылы  студент  жаштарды  лидерликке окутуп, КР ЖКине  практикага  алпарып, сессияга катыштырдык. Депутаттардын иштегенин көргөздүк. Депутаттар  менен  жолугуштурдук. Айтор депутаттардын  бардык иш  жүргүзүүсүн  көрүп келишти. Биз  жаштарга адегенде  сынак  жарыялап,  анан  алардын арасынан  мыктыларын  тандап алганбыз. Лидерлик  мектепте окууну  каалагандардын көбү мектепти  айыл жеринен  бүткөрүп келишкен жаштар. Көбү студенттер. Алардын  ичинен  окууну бүткөрүп  мамлекеттик  мекемелерде иштеп жаткандары да бар. Мисалы мен  ошол лидерлик мектепти бүткөм,-деди  Шабдан Бегматов. Лекцияда  азыркы мезгилде  Жаштар комитети тарабынан уюштурулган «Интеллектуалдык өнүктүрүү  мектебинин»  угуучулары  Урмат Асанов, Бексултан  Кудайбердиев жана Бахтияр Карыбеков  өздөрү  билим алып жаткан  курстар  боюнча  кыскача айтып беришти. Журналистер  суроо  беришип, суроолоруна жооп алышты.

Нооруз Ошто өзгөчө белгиленди

Нооруз Ошто өзгөчө белгиленди

11079617_652312001570518_1888530475812431689_n

Нооруз майрамы быйыл  Ош шаарында  өзгөчө  белгиленди. Шаардын борбордук аянтына 13 боз үй тигилип,  13 ар улуттун  ыр -күүлөрү  жаңырып, каада салттары көргөзүлдү.  Нооруз  майрамы умай энелердин ысырыгы менен ачылды.

Нооруз майрамынын салтанатына   КРнын Өкмөтүнүн биринчи вице-премьер министири Таирбек Сарпашев, Жогорку Кеңештин депутаттары  Жылдыз Жолдошева,  Акылбек  Султанов,  Ош шаарынын мэри Айтмамат Кадырбаев, Өкмөттүн Ош облусу боюнча ыйгарым укуктуу өкүлү Сооронбай Жээнбеков, шаардык депутаттар кеңешинин төрагасы Улан Примов  жана  Ош шаардык кеңешинин   депутаттары,  мекеме-ишканалардын жетекчилери  катышып,  шаардын тургундарын  Нооруз майрамы менен куттукташты. Өзгөчө Кытай диаспорасынын өкүлү Мао Цын  аянттагы элди Нооруз майрамы менен кыргыз тилинде   куттуктаганда  тургандардын бардыгы кол чаап, сүрөп турушту.  Майрамга  согуштун, эмгектин ардагерлери,  да чакырылды. Нооруз майрамына 15 миңге жакын адам келди деген  сөз болду.

Майрамга шаардагы 13 аймактык кеңештин, 13 этностук маданий борборлорунун өкүлдөрү тарабынан  уюштурулган боз үйлөрдүн жасалгалары жана алардын жанында ар түрдүү улуттардын каада-салттарынан көрүнүштөр, кол өнөрчүлүк, улуттук тамак-аштын түрлөрү, улуттардын жана элдердин каада-салттары, ыр-бийлер боюнча сынак  уюштурулду.

Сынактын жыйынтыгында  Ош шаарынын мэри   Айтмамат .Кадырбаев атайын түзүлгөн коммиссиянын чечими менен бир нече номинациялар боюнча аймактык кеңештерге дипломдорду , акчалай сыйлыктарды  жана  компьютерлерди тапшырды.  Нооруз майрамы менен  шаар тургундарын эстрада жылдыздары куттуктап, ырдап, өз өнөрлөрүн тартуулашты.

 

Ошто Нооруз майрамы

IMG_3795
Ош шаарынын мэриясы Нооруз майрамын өткөрүү үчүн борбордук аянтка 13 боз үй тигүүдө. Анда шаардагы жана Ош облусунда жайгашкан 13 улуттун диаспоралары менен биргеликте 13 аймактык кеңеш ар улуттун каада-салт, үрп-адаттарын көргөзүшөт.

Нооруз майрамына карата Ош шаарында боло турган иш чаралардын убактысы:

20-март, борбордук аянтта:

Саат: 13:00. “Ош МУ жазы-2015” гала-концерти

14:00.  Ордо оюну

15:00. Кыргыз күрөш

16:00. Аркан тартыш

20:00. “Алымбек Датка” этнографиялык комплексинде “Кадыр түн” тосулат. Анда ОшМУнун студенттери жана эмгек жамааты тарабынан даярдалган театралдаштырылган оюн-зоок тартууланат.

Мындан сырткары Амир -Темур аймактык кеңеште “Ырыс алды ынтымак” аттуу  майрамдык иш-чара болот. Анда бала отургузуу, баланы бешикке бөлөө ж.б. ар улуттун каада-салтары аткарылат.

21-март күнү “Биздин күчүбүз биримдикте” ураанынын астында ар улуттардын жана диаспоралардын достугун даңазалаган майрамдык салатанат болот.

9:00. Борбордук аянтка тигилген 13 боз үйдүн жасалгалары жана алардын жанында ар түрдүү улуттардын каада-салттарынан көрүнүштөр коюлат.

9:30. Кароо-сынактын катышуучуларынын кол өнөрчүлүгү, улуттук тамак-аштын түрлөрү, улуттардын жана элдердин каада-салты, ыр-бийлери менен таанышуу

10:00.Расмий жетекчилер, меймандардын куттуктоолору

10:35. Нооруз майрамынын атрибуттары: аластоо, бата берүү, сүмөлөк таратуу

10.45. Искусство чеберлеринин жана аймактык кеңештердин өнөрпоздорунун майрамдык концерти.

 

 

 

“Журналисттердин этикасы”  

“Журналисттердин этикасы”   

14-мартIMG_4984

күнү  “Журналисттер” коомдук бирикмесинин Түштүк бѳлүмүндѳгү  «Ош пресс-клубунда»  “ Журналисттердин этикасы”   темасына  арналган журналисттер үчүн  тренинг болуп  өттү.   Тренингди  юрист  Айгүл Матиева алып барды. Тренинг учурунда журналисттер журналисттердин  укуктары, журналисттердин этикалык кодекси, аналитикалык макалаларды жазууда, журналисттик иликтөөлөр учурунда  журналисттер  кандай  кемчиликтерге жол бериши мүмкүн, өтө  чуулгандуу  макалаларды жазууда  журналист кайсыл эрежелерди карманышы керек, балдар темасын чагылдыруунун эрежелери, соттук  иштерди чагылдыруу эрежелери, журналисттик салыштыруулар, бирөөнүн аброюна шек келтирбеш үчүн кандай эрежелерди кармануу зарыл  сыяктуу  журналисттик иштеги  негизги  эрежелерге кызыгышты. Жаш журналисттер ошондой эле  этикалык кодекстин сакталышы  боюнча  бир катар суроолорго жооп алышты. Пресс-клубду  жаш журналисттер менен  улуу  муундагы журналисттер  кезиге ала  турган  клубга айландырса болобу, журналисттерге  укуктук  тренингдер  дайыма  өтүлсө, -деген  көптөгөн суроолорду узатышты.

 

«Эл сыймыгы» наамы негизделди

«Эл сыймыгы» наамы негизделди

Копия DSCN5595

Ош облусунун Өзгөн районунда  «Эл сыймыгы»  деген наам  Өзгөн районунун  ардагерлер кеңеши тарабынан  негизделди. Бул наам мындан ары  элге  кадыр-баркы сиңген,  эл сыйлаган,  коомдук иштерде иштеп,  эмгеги  кичүү муунга  өрнөк боло турган  инсандарга тапшырылмакчы. Эң алгачкылардан болуп бул  наам    Өзгөн районунда туулган,  айыл чарба институтун бүтүп келгенден кийин   Өзгөн районунда  Алга совхозунда  зоотехник болуп эмгек жолун баштап, ошол эле райондогу «Кыргызстандын  50  жылдыгы»    совхозунда директор,  партиянын Өзгөн райкомунун экинчи катчысы,   Тогуз-Торо районунда райисполкомдун төрагасы,   Кара-Кулжа,  Кадамжай райондорунда аким  болуп үзүрлүү  эмгектенип, аталган райондордун  экономикасынын  өсүшүнө өз салымын кошкон.  Легендарлуу парламенттин депутаты болуп туруп көп мыйзамдардын кабыл алынышына жана  КРнын  өнүгүшүнө  өз салымын кошкон, эл ичинде кадыр –баркы бар   инсан Азим  Карашевге тапшырылды.  Учурда Азим Карашев Ош облусунун ардагерлер кеңешинин  төрагасынын  орун басары. Наам тапшыруу  аземине  Өзгөн райондук администрациясынан А. Тажибаев, Ош облустук ардагерлер кеңешинин төрагасы Абдибаит Тажибаев,  облустагы  Улуу Ата Мекендик согуштун, эмгектин ардагерлери  коомчулук катышып сөз сүйлөп, Азим Карашевдин  сиңирген эмгегине токтолушту.