Ош пресс-клубу

«Жан дүйнөңө жаккан ишти жасоонун ырахаты укмуш»

«Жан дүйнөңө жаккан ишти жасоонун ырахаты укмуш»

скачанные файлы

-Зинакан эже, жаз мезгили сизге жагабы?

– Мага жылдын бардык мезгили жагат. Ар биринин өзүнө гана тиешелүү сулуулугу бар. Албетте, кыштын суук күндөрүнөн  кийин жаздын керемети өзгөчө.

– Сиз чыгармаларынызды көбүнчө  кайсыл мезгилде жазасыз?

– Илхам мезгилге карабаса керек, ал адамдын ички туюм-сезимдерине, турмуштук жагдайларга байланыштуу болот. Мен, мисалы, жашоодо бир нерсеге таасирленсем, кусалансам, санаа чексем ыр жазгым келет. Ал эми олуттуу ойлор проза жазууга шыктандырат. Адам сезими кышында да, күзүндө да, күндүзү   да, түнү да  козголгон учурлар болот, ошондуктан колума качан калем алаарымды болжоп болбойт.

– 8-март –Аялдардын эл аралык майрамын кандай тостуңуз?

– Бул майрам мен үчүн өтө жагымдуу майрам. Жагымдуу сюрприздер көп болот. Алардын ичинде уулдарым тартуулаган кандай гана белек болбосун, же менин көңүлүмдү көтөрүүгө жасаган аракеттери өзгөчө кымбат.

– А өзүңүз  кимди куттуктайсыз?

– Апамдын көзү тирүүсүндө эң  алгач аны куттуктоочумун. Азыр жашы улуу эжелерди озунуп куттуктоону парзым деп эсептейм. Алардын ичинде мени көтөрүп чоңойткон аталаш Сонунбу эжем да бар.

– Чыгармачылык кандай пландарыңыз бар?

– Чыгармачылыкка байланыштуу алдыга койгон максат-тилектерим, пландар бир топ. Баары убагында келгенде айтылар. – Чыгармачылык иш сиз үчүн

түйшүкпү?

– Албетте, чыгарма жазуу кажынган эмгекти талап кылат. Бирок, жан дүйнөңө  жаккан  ишти жасоонун ырахаты башкача. Өз ишинден канааттануу алып, берилип иштегендик – бул бактылуулук.

Маектешкен Бекназар Ысабек уулу

Аялзатына ак жоолук абдан жарашты

Аялзатына ак жоолук абдан жарашты

IMG_4969

IMG_4936

Бүгүн «Эмгек» партиясынын  Ош облустук жана Ош шаардык бөлүмү  аялдардын эл аралык майрамы менен  куттуктады. Оштогу Бабур атындагы  өзбек драмалык театрында  майрамга арналган  салтанатта  аталган  партиянын  Ош облустук жана Ош шаардык бөлүмүнүн  жетекчиси  Камалов  Эрлан  энелерди  майрамы менен куттуктап,  чың ден соолук, иштеринде ийгиликтерди каалады жана «Эмгек» партиясынын  активдүү мүчөлөрүнө  партиянын Ардак грамотасын  жана партияга кабыл алынган жаңы мүчөлөргө  партиянын  билеттерин  тапшырды. Майрамдык  салтанаттын катышуучуларын  көркөм талант  ээлери куттуктап, ыр, күү жаңырып, улан –кыздар бийлешип майрам шаңдуу  өттү.  Айымдарды партиянын жаштар канатынын мүчөлөрү дагы куттуктады. Майрамга  келген  энелерди, эжелерди, кыздарды  партиянын  облустук, шаардык бөлүмүнүн  мүчөлөрү  гүл сунуп куттуктап,  ар бир аялзатына ак жоолук  салышты.  Ак жоолук айымдарга абдан жарашты. Өзгөчө залдагы ар бир айым  ак жоолук салынып отурса айланаңды керемет курчап тургандай укмуш…Ак жоолукчан  энелер, эжелер, кыздар  сүрөткө түшүшүп, майрам  шаңына шаң кошуп, сыбызгыган ырга кошулуп  энелер  бийлеп да беришти.

КОНКУРС ДЛЯ СМИ

Министерство здравоохранения КР и Национальный центр фтизиатрии при поддержке проекта USAID «Победим туберкулез» объявляют конкурс среди представителей средств массовой информации республики на лучшее освещение вопросов туберкулеза по следующим номинациям:

• Лучшая статья в печатных изданиях (1, 2, 3 место)
• Лучший радиосюжет (1, 2, 3 место)
• Лучший видеосюжет (1, 2, 3 место)
• Лучшая статья, опубликованная в интернет-изданиях (1, 2, 3 место)

Победители конкурса буду награждены ценными призами.

Цель конкурса – повышение информированности населения в вопросах профилактики, диагностики и лечения туберкулеза в Кыргызстане, о нарастающей потребности и эффективности амбулаторного лечения распространенной болезни, которое в три раза дешевле стационарного, не нарушает жизненный уклад больного, снижает стигматизацию и риски больничного инфицирования, улучшает приверженность к лечению через создающиеся в стране группы поддержки пациентов с туберкулезом.

Конкурс продлится с 01 марта по 15 октября 2015 года.

Представленные на конкурс материалы в обязательном порядке должны быть опубликованы или транслированы на радио или ТВ. Их количество не ограничено.

В состав жюри войдут по одному из представителей организаторов конкурса, а также опытные журналисты. Оценка работ, представленных на конкурс, будет проходить по следующим критериям: соответствие тематике, правдивость и достоверность, содержательность, оригинальность, охват аудитории, количество, объем.

При составлении заявки на участие необходимо указать ФИО участника и его контактные данные, название СМИ, дату публикации или выхода в эфир аудио-видеоматериала.

Заявки на участие вместе с материалами необходимо предоставить не позднее 20 октября 2015 года, по адресу: Министерство здравоохранения КР, Пресс-центр, ул. Московская, 148, тел. 0312 665830, моб. 0555 758255, 0555 252516, pr@med.kg, bayalinova@mail.ru

Получить дополнительную информацию по заявленной тематике конкурса и связаться со специалистами в регионах можно через контактное лицо, специалиста по адвокации, коммуникации и социальной мобилизации Национального центра фтизиатрии Чолпон Нургазиеву тел. 0312570928, 0700 227102.

«Кыргызстандын өнүгүшү жаштардын колунда» дешти форумдун катышуучулары

«Кыргызстандын  өнүгүшү жаштардын колунда» дешти форумдун катышуучулары

27-февраль күнү Баткен облусунун Кызыл-Кыя шаарында Кыргыз Республикасынын Өкмөтүнө караштуу жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин демилгеси менен «Тынчтыкты жана туруктуулукту бекемдөодө жаштардын катышуусу-экономиканы чыңдоонун шарттарынын бири» деген темада жаштар форуму болуп өттү. Форум Кыргызстанда жашап каткан этникалык топтордун интеграцияланышында, элдин биримдигин камсыз кылууда өлкөнүн жаштарынын биримдиги, ынтымактуулугу аркылуу жаштардын ролун аныктоо жана бул багытта жүргүзүлүп жаткан мамлекеттик саясатты илгерилетүү максатында уюштурулду.  Форумга Ош, Жалал-Абад жана Баткен облустарынын, Ош шаарынын жогорку окуу жайларынын студент-активисттери, аспирант-магистранттары, жаш окутуучулар, жаш  адистер катышышты. Форум Кызыл-Кыя шаарындагы Улуу Ата Мекендик согушта  курман болгондордун эстелигине гүл коюп, эскерүү менен башталды.

-Жаштар тынчтыктын маанисин түшүнүшүңөр керек, тынчтык болгон жерде гана экономикалык өсүш болот. Тынчтык, ынтымак болгон жерде гана  өнүгүү болот. Андыктан аталардын абагын сыйлап, аларды унутпай, алар жасаган эрдиктерди жүрөгүбүздө сактап жүрүүбүз керек,-дешти чыгып сүйлөгөндөр. Улуу Жеңиштин 70 жылдыгына арналып 70 көчөт отургузулду.

   Андан соң форум Кызыл-Кыя шаарынын эс алуу багында уланды.  Эс алуу  паркында форумдун катышуучулары шаардын көркөм кол өнөрчүлүгү жана улуттук тамак-аш көргөзмөсүнө күбө болушту. Паркта этностук жактан аралаш үй бүлөлөр 66 жылдан бери бирге жашап, ынтымактуу  өмүр сүрүп келатышкан Жаныбек Абдрахмановду жана орус кызы Скворцова Татьяна Михайловнаны, 40 жыл бирге жашаган Колдош Тойгонбаев менен татар  кызы Флюра Ахмедованы, жаңыдан баш кошушкан Эсен Жоробеков менен тажик кызы Хасифа Машарипованы  Кыргыз Республикасынын Өкмөтүнө караштуу жергиликтүү  өз алдынча башкаруу иштери жана этностор аралык мамилелер боюнча мамлекеттик агенттигинин директору Накен Касиев куттуктап, белектерди тапшырды. Форумдун катышуучуларын Кызыл-Кыя шаарынын маданият кызматкерлери куттуктап, ыр, бий жаңырды. Шаардагы жаңыдан ачылган жаштар борбору менен форумдун катышуучуларын Кызыл-Кыя шаарынын мэрии А.Халмурзаев тааныштырды. Жаштар борборунун директору Бүбүниса Кыргызбаева  жаштар борборундагы иштер боюнча айтып берди. Кароосуз калып кеткен Дружба кинотеатры Кызыл-Кыя шаардык мэриясы тарабынан ремонттолуп, жаштар борбору ачылган. Бул борбордо азыркы мезгилде  жаштардын ар түрдүу  иш чаралары өткөрүлөт. Жаштар шаардын тарых музейинде болушуп, андан соң форум Ала-Тоо  эс алуу борборунда уланды.

     Жыйын «Биз өлкөнү өнүктүрөбүз  жана бекемдейбиз»  аттуу  жаштардын улуу баалуулугу тууралуу патриоттук ураандын астында шаңдуу салтанат менен башталды. Жыйынды агенттиктин директору Накен Касиев ачып,  этностор аралык мамилелерди чыңдоодогу, Кыргызстанды өнүктүрүүдөгү жаштардын ролуна токтолуп, бул  багытта агенттик тарабынан жүргүзүлүп жаткан иштерди белгиледи. Форумда Кыргыз Республикасынын Президентинин Аппаратынын этностук, диний саясат жана жарандык коом менен өз ара кызматташуу боюнча бөлүм башчысынын орун  басары З. Эргешев, Кыргыз Республикасынын Өкмөтүнүн Баткен облусундагы ыйгарым укуктуу өкүлү Жеңишбек Разаков куттуктап, сөз сүйлөштү. Жыйында тарых илимдеринин доктору, профессор А. Жоошбекова, доцент С.Эралиев жаштардын коомдогу ролу жөнүндө доклад жасашты. Форумда ЖАМУнун студенти Эсен Шишкарев, ОшМУнун студенти Алина Сулайман кызы,  БатМУнун магистранты Гүлнура Аскарова жана башка аспиранттар, студенттер, фермерлер чыгып сүйлөшүп, жаштарды активдүү болууга, Кыргызстандын өнүгүшүнө салым кошууга чакырышты.

    Кызыл_кыя шаарынын  мэрии  А. Халмурзаев өз сөзүндө форумдун Кызыл-Кыя шаарында өтүүсүнө демилгечи болгон Накен Касиевге ыраазылык билдирди. Форумдун акырында резолюция кабыл алынды.

«Кыйынчылыктар мигранттарды көпчүлүк учурда чыйралтат»

«Кыйынчылыктар мигранттарды көпчүлүк учурда чыйралтат»

IMG_4919

IMG_4912

«Журналисттер»  коомдук бирикмесинин Оштогу  бөлүмүнүн  Ош пресс-клубунда 28-февраль күнү  Россия Федерациясына барып иштеп келген  мигранттар  Акылай Рысбаева жана Туратбек Сапаров  лекция  окушту. Мигранттар журналисттерге  Россия  Федерациясына барган  күндөрү жөнүндө, мигранттардын көйгөйлөрү, иш табуу,  документтерди даярдоодогу  кыйынчылыктар, мигранттардын  бири-бирине жардам бериши, бири-бирин алдаган учурлары, жашоосу, деги эле мигранттардын башынан өткөн окуялар жөнүндө  айтып беришти. «Биз барганда Москвада мигранттар аз болгондуктан көп  кыйналган эмеспиз. Ишке орношуу да, квартира табыш  да оңой болчу,-дейт Акылай Рысбаева. Анан ишке орношуу үчүн руксат кагазы керек боло баштады. Кийинчерээк  «Компания чисто» деген  компанияга  администратор болуп иштедим. Кыргыз балдарды, кыздарды топтоп иштедик. Көбүнө жардам берген учурларым да болду. Анан  чыгармачыл  адамдардын уюмдарына кошулуп, сынактарга катышып, поэзия кечелерине барып, чыгармачылыгымды да бирге алып кеттим.Эки ирээт сынакта  жеңүүчү болдум. 2 күн иштеп, 2 күн эс  алчу элек. Ошол мезгил ичинде  кыргыздар менен аралашып, ар түрдүү  иш чараларга катышып, «Аруу дүйнө», «Нур» гезитинин  чыгышына көмөктөш болуп жүрдүм. Москвада 7 жыл иштедим. Азыр эми балдарым чоңоюп, ошолорду чоңойтуп, өзүм менен  алып кетейин деп мектепте окуу бүтүшүн күтүп жүрөм,-деди Рысбаева.

Ал эми Туратбек Сапарбаев Чита облусундагы  кыргыздардын  жашоосу жөнүндө  айтып берди. 10 ай Читада иштеп, анан  үйүнө  3 айга келип кыш  ичи үйдө туруп кайра  иштегени кетет экен. Читада  кыргыздар азыраак болгондуктан  ал жердеги кыргыздарга иш табуу, документтерди жасоо  Москвадагыга караганда  оңоюраак. Россияга  кетип жатканда ал жакты жакшы билген бирөө менен барыш керек дейт ал. Иш табууда, документтерди жасоодо  тааныш бирөө  болгону жакшы дейт ал. Журналисттер  мигранттарга көптөгөн суроолорду узатып, жооп ала алышты.

Мигранттардын көйгөйү жөнүндө Ош пресс-клубунда

«Журналисттер»  коомдук бирикмесинин Оштогу  бөлүмүнүн  Ош пресс-клубунда 28-февраль күнү  Россия Федерациясына барып иштеп келген  мигранттар  лекция  окушмакчы. Мигранттар журналисттерге  Россия  Федерациясына барган  күндөрү жөнүндө, мигранттардын көйгөйлөрү, иш табуу,  документтерди даярдоодогу  кыйынчылыктар, мигранттардын  бири-бирине жардам бериши, бири-бирин алдаган учурлары, жашоосу, деги эле мигранттардын башынан өткөн окуялар жөнүндө  айтып беришмекчи. Лекцияга катышуу үчүн  Jipar2005@mail.ru дарегине ,  же 0555359592 телефону  аркылуу  Жыпар Акуновага байланышсаңыздар болот

Алыкулга арналган илимий конференция

Алыкулга арналган илимий конференция

IMG_4801

IMG_4784

IMG_4801

IMG_4799

Оштогу мамлекетттик юридикалык институтунда дүйнөлүк эне  тил күнү  жана  Алыкулдун  100 жылдыгына карата  илимий конференция   болуп өттү. «Алыкул — кыргыз жылдызы» деген аталышта уюштурулган бул илимий конференцияга  институттун  окутуучулары, студенттери жана акындар Тазагүл Закирова, Жыпар Акунова,  төкмө акын  Шамырбек Тургунбаев  катышты.

Жолугушууда  белгилүү  акын  Тазагүл Закирова  кыргыздын  залкар акыны Алыкул Осмоновдун өмүрү  жана чыгармачылыгы  боюнча  кеңири  маалымат берип, ырларындагы лирикасына басым жасап, анын ырларынын кайталангыс  тематикалык мазмундуулугун баяндап,Алыкулдун ырларынан, өзүнүн  акынга арналган ырларынан  окуп берди. Жыйында аталган институттун  ректору  Эгемберди Токторов, Алыкул Осмоновдун чыгармачылык жолу боюнча доклад жасаган  проректор  Байболот Абытов, кафедра башчысы Төрөбай Насыров, окутуучу Абдыганы Алибаев акындын тематикага бай, мазмундуу ырларында терең тарбиялык маани бар экендигин белгилешип, ырдын пири Алыкулдун талантына  токтолушуп, чыгармаларынан  үзүндүлөрдү  окуп беришти.    Абдыганы Алибаев акындын поэзиясынан таасирленип жазган лирикаларынан  окуп берди. Профессор Кыргызбек Ибрагимов эне тил күнү жана Алыкул Осмоновдун өмүр жолу жана чыгармачылык чыйыры боюнча илимий доклад окуду. Ал  эми  1-курстун студенти Аида Адылбекова  Алыкулдун ырларынан, өзүнүн  акынга арналган ырын  окуп, анын  англис тилиндеги  котормосун  окуганда студенттер  шатыратып кол чаап колдошту. Конференция кызыктуу жана натыйжалуу өттү.

Кайыр кош, Орозалы!

Кайыр кош, Орозалы!

10659282_781137275305975_4812598706306767546_n

Кесиптешибиз, «Аймак» гезитинин башкы редактору, белгилүү  журналист  Орозалы Карасартов  бул  жарыкчылык менен кош айтышты. Көп жылдардан бери ээрчиген ооруга моюн бербей, «Аймак» гезитин түптөп, «Aimak.kg» сайтын  негиздеп, «Кыргыз туусу» менен , өзү  айтмакчы  көпчүлүк басылмалар менен иштешип, курч, курч макалаларды жазып, окурмандардын бүйрүн кызытып, көп көйгөйлүү  маселелердин чечилишине көмөкчү болуп келген  угуттуу журналисттерибиздин биринен айрылдык. Жаткан жериң жайлуу болсун, кайыр кош Орозалы!

Эми үй бүлөсүнө, балдарына көңүл айтып, кайгыларын бөлүшкөндөн башка колубуздан эмне келет?

   Орозалы Карасартов 1964-жылы Ош облусунун Кара-Кулжа районунда туулган. 1990-жылы Кыргыз мамлекеттик университетин аяктап, Кыргыз радиосунда, «Кыргыз Туусу» гезитинде, «Кабар» маалымат агенттигинде иштеп, көп жыл Жалал-Абад облусунун  губернаторунун  басма сөз катчысы  болуп эмгектенген.

“Ошпиримдеги” жолугушуу

“Ошпиримдеги”  жолугушуу

IMG_4758

IMG_4774

21-февраль күнү  «Ош пирим»  теле  компаниясынын  эмгек жамааты менен «Жур-налисттер»  коомдук бирикмесинин  Оштогу бөлүмүнүн  юристи  Айгүл Матиева жана  координатору Жыпар Акунова  жолугушту. Жолугушууда  аталган теле компаниянын  кызматкерлери  журналисттердин укуктарына жана мыйзамга,  журналисттердин  этикалык кодексине байланышкан бир катар суроолорго  жооп алышты. Журналисттер  өздөрүнүн  кызматтык  милдеттерине байланышкан  көп суроолорду узатышты. Жакында эфирге  чыккан  репортаждын  айланасындагы  талаш-тартыш  маселенин тегерегиндеги суроого журналисттер  кайра-кайра кайрылышты. Журналисттердин укугу тебеленип жатканына  токтолушту. Журналисттер мындай жагдайда юридикалык маалымдуулукка  муктаж экендиктерин белгилешти.

ВНИМАНИЕ! ФОТОКОНКУРС ДЛЯ ВСЕХ!

Все, кто хочет отдохнуть в Караколе – у вас есть уникальная возможность выиграть БЕСПЛАТНОЕ проживание в уютной трехкомнатной квартире в г.Каракол на целых ТРИ дня и бесплатный СКИ-ПАСС на 2 дня для победителя!

КАК?! – спросите вы, а мы ответим:

✔ Просто опубликуйте свою лучшую фотографию, которая будет отражать идею «зимний отдых, по-моему» до 12.00, 25 февраля.
✔ В описании к фотографии обязательно отметьте нас – @Travel-KG или поставьте хэштег ‪#‎хочуотдых
✔ Поставьте ‪#‎LIKE на страницу Travel-KG
✔ Готово!

*На время проведения конкурса, Ваша страничка должна быть открытой, чтобы мы могли видеть конкурсные фотографии.

Результаты мы объявим днем 25 февраля, наше жюри выберет самую интересную фотографию, автору которой достанется бесплатное проживание в Караколе и Ски-Пасс на 2 дня Смайлик «wink»

Вперед, попытайте свою удачу! И начинайте вызывать каракольских духов, чтобы они помогли выиграть!

Просмотреть квартиру Вы можете на нашем сайте: http://travel-kg.com/?hotel@view&id=26